21 Haz 2011

BMT İran üzrə özəl məruzəçisini müəyyənləşdirdi


BMT-nin İnsan Haqları üzrə Şurası Maldivin keçmiş xarici işlər naziri Əhməd Şahidini İranda insan haqlarının vəziyyəti ilə bağlı xüsusi məruzəçisi təyin edib.

“Reuters”in məlumatına görə, bu vəzifə 10 ilə yaxın boş qalıb. Şura İranda müxalifətin təqib edilməsi və ölüm hökmlərinin çoxluğundan rahatsızlığını da ifadə edib. BMT Tehran hakimiyyətini xüsusi məruzəçi ilə əməkdaşlıq etməyə çağırıb.

Qeyd edək ki, Güney Azərbaycan türklərinin milli haqlarını təmin olunmasını istəyənlərə qarşı da İran rəhbərliyi sərt davranır. Onlar təqib edilir və həbs olunurlar. İran parlamentinin deputatları - Məhəmməd Kərim Abidi və Zöhrə İlahian jurnalistlərə açıqlamalarında Əhməd Şahidi qəbul etməyəcəklərini bildiriblər.


Ölkə məclisinin insan hüquqları komitəsinin sədr müavini Məhəmməd Kərim Abidi deyib: “Bizim komitə keçirdiyi bir neçə iclasda bu şəxs barədə müzakirələr aparıb. Onun ölkəyə buraxılmaması barədə qərar qəbul etmişik”. Z.İlahian isə BMT-nin nümayəndə təyin etməsinin arxasında gizli və qərəzli siyasi məqsəd yatdığını vurğulayıb: “Maldivin keçmiş xarici işlər naziri Əhməd Şahid müsəlman olsa da, onu qəbul etmək mümkün deyil. O, yalnız bir turist kimi İrana gələ, ölkənin müxtəlif tarixi və görməli yerlərini ziyarət edə bilər”.


BMT-nin açıqlamasına görə, İran İslam Respublikası 2005-ci ildən bu yana qurumun nümayəndələrini İrana buraxmır.

Sohbet

  © Google 2010 Arama Motoru | Search | Arama Yap

Yukarı