“VAZ 2106” 10 yaşlı piyadanı vurdu
Xaçmaz rayonun Xudat şəhərində piyadanın vurulması ilə nəticələnən yol nəqliyyat hadisəsi baş verib. Xudat şəhər sakini, 2001-ci il təvəllüdlü İslam Mirzəyev Qusar rayon Əniğoba kənd sakini Zabit Əkbərovun idarə etdiyi 05 BD 018 dövlət nömrə nişanlı “VAZ 2106” markalı avtomobil tərəfindən vurulub. Sürücü xəsarət alan şəxsi dərhal Xudat Mərkəzi rayon Xəstəxanasına çatdırılıb. Xəstəxanadan Lent.az-a verilən məlumata görə, 10 yaşlı məktəblinin vəziyyəti ağırdır.
Faktla bağlı Xaçmaz rayon Polis Şöbəsində araşdırma aparılır.
